CCXXXV.

1353, October 19. Patschkau.

Otto von Glaubitz gen. Schüler zu Pomsdorf vergleicht sich mit dem Pfarrer Johannes von Baitzen wegen eines Feldzehnten.

In nomine domini amen. Ab humana facilius labitur memoria, quod nec voce testium nec scriptorum presidio roboratur. Cognoscant igitur presentes et posteri, ad quos presentium dirigitur intellectus, quod nos Otto de Glubus dictus Schuler ac dominus in Pomiansdorf considerantes per malum discordie nichil boni evenire, de proborum virorum consilio ac etiam salutem anime nostre perpendentes discordiam diuturnam inter nos parte ex una et dominum Johannem plebanum in Biczano parte ex altera, propter decimam campestrem ecclesie sue in bonis nostris supradicte ville Pomiansdorf habitam animi rancorem deponentes ad pacis et concordie unionem devenimus perpetue duraturam, tali videlicet modo, quod dictus dominus Johannes aut suus successor, qui­cunque protunc plebanus in predicta ecclesia Biczano fuerit, in decima sua nostrorum bonorum ville sepedicte deducendi, vendendi et in usus beneplacitos convertendi inpedimento seu arre­statione a nobis seu nostris successoribus qualibet proculmota liberam et omnimodam amplius habeat facultatem. Insuper de quibusdam agris ad nos per aliorum agrorum commutationem a monachis in Camencz devolutis predicto domino Johanni vel suo successori ratione fertonum decimalium in festo sancti Martini singulis annis dare et solvere I. fertonem nos et nostri succes­sores tenebimur qualibet occassione penitus non obstante ac etiam de dictis agris necnon de VII quartis agrorum quondam ad iudicium pertinentium ratione annonarum missalium quinque men­suras grani duplicis videlicet siliginis et avene annis singulis sepedicto domino Johanni plebano dare et solvere sumus asstricti. Pretera ut res stabilior ac integrior permaneret, presentes scribi ius­simus et nostri sigilli munimine cum strennuorum militum ac amicorum nostrorum, videlicet domini Petri Sandconis, necnon fratris nostri domini Ottonis dicti Wolf sigillorum appensione roborari. Actum et datum in civitate Paczcow XIIII° Kalendas Novembris anno domini mil­lesimo CCC°LIII°; presentibus viris honorabilis dominis: Henrico et Jacobo ecclesie inibi conven­toribus (!), Nycolao Hunt, Johanne Longo et aliis quampluribus fidedignis.

Or. Perg. An Pergamentstreifen die S. des Ausstellers und des Petrus Sandconis vergl. No. CLVII.; das Otto's von Glaubitz gen. Wolf ist vom Pergamentstreifen losgetrennt und fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.